تازہ ترین
پاکستان سٹاک ایکس چینج مارکیٹ میں بہتری ، انڈیکس میں 613پوائنٹس کا اضافہ         آپ کے پاﺅں آپ کی صحت کے بارے میں کیا کہتے ہیں؟ جانئے وہ باتیں جو آپ کو صحت کے بڑے مسئلے سے محفوظ رکھ سکتی ہیں         اگر پیٹ کی چربی پگھلانا چاہتے ہیں تو یہ ایک مشروب روزانہ استعمال کریں         نئی دلی، خود کو نیشنل کبڈی کوچ ظاہر کرنے والے شخص کی جونیئر نیشنل پلیئر کے ساتھ زیادتی         خلیج بحران : چین نے ثالثی کی پیشکش کردی ، امید ہے بات چیت سے مسائل حل ہونگے : قطر         ”اپنے عہد میں کبھی امریکا نہیں جاﺅنگا “، فلپائن کے صدر نے ڈونلڈ ٹرمپ کی دعوت مسترد کر دی         نوجوان لڑکے نے اپنی گرل فرینڈکی برہنہ تصاویر فحش ویب سائٹ پر اپ لوڈ کر دیں ،پولیس نے گرفتار کر لیا         ’’ڈنمارک میں پاکستان کا تشخص قائم کرنا ہماری ذمہ داری ہے‘‘ڈینش پاکستانی افئر سوسائٹی         راہ چلتی معروف ٹی وی اینکر پر درخت گر گیا اور پھر۔۔۔انتہائی افسوسناک خبرآگئی         اسمبلیاں تحلیل کرنے کے حامی نہیں، حکومت کو اپنی مدت پوری کرنی چاہئے، نواز شریف آج رات تک فیصلہ کر لیں، خورشید شاہ        
news-1495174524-9511_large

شادی سے پہلے نوجوان لڑکی نے پورا شادی ہال ہی جلا کر راکھ کردیا،یہ کون تھی اور ایسا کیوں کیا؟جان کر ہر مرد گھبرا جائے

دھوکہ دینے اور کسی اور سے شادی کا فیصلہ کرنے پر بھارتی نوجوان لڑکی نے اپنے عاشق کے شادی ہال کو جلا کر راکھ کردیا۔

بھارتی خبررساں ادارے’ٹائمز آف انڈیا‘ کے مطابق بھارت کے شہر پونے میں ایک انوکھا واقعہ پیش آیا جب ایک لڑکی نے پیار میں دھوکہ دینے اوراس کے علاوہ کسی اور سے شادی رچانے کے فیصلہ کرنے پر اپنے 33 سالہ عاشق کے شادی ہال کو آگ لگا کر جلا ڈالاجبکہ لڑکی نے لڑکے کو تحفے میں دیا گیا موٹرسائیکل بھی جلا دیا۔

پولیس حکام کے مطابق ایک 33 سالہ شخص نے ایف آئی اور درج کرائی ہے کہ اس کا موٹرسائیکل جلا دیا گیا ہے ۔سینئر انسپکٹر وجے سنگھ گائیکوانڈے نے بتایا کہ ”موٹرسائیکل جلائے جانے کی تحقیقات جاری تھیں کہ وہی شخص ایک اور شکایت درج کرانے آیا اور دعویٰ کیا کہ کسی نے شادی سے ایک روز پہلے اس کا شادی کے لئے سجایا گیا پنڈال جلا دیا ہے“۔
درج کرائی گئی شکایت پر کارروائی کرتے ہوئے پولیس نے ملزمہ کو گرفتار کرلیا جس نے اپنے اوپر لگائے گئے دونوں الزامات کو قبول کرتے ہوئے جرائم کا اعتراف کرلیا جس کے بعد ملزمہ کا 20 مئی تک ریمانڈ لیتے ہوئے پولیس نے اس کو اپنی حراست میں لے لیا ہے۔
لڑکی نے دعویٰ کیا کہ”اس کالڑکے کے ساتھ گزشتہ 6 برس سے افیئر چل رہا تھا اور اس نے مجھ سے شادی کرنے کا وعدہ کیا تھا مگر بعد میں بغیر کسی وجہ کے اس نے کسی اور لڑکی سے شادی کرنے کا فیصلہ کرلیا“۔

پولیس نے مزید بتایا کہ لڑکی کو جب لڑکے نے اس کی شادی کی دعوت دی تو وہ اور مشتعل ہوگئی اور دلہن کے گھر پہنچ گئی جہاں اس نے اپنے اور لڑکے کے رشتے کے بارے دلہن کے گھر والوں کو بتایا لیکن جب اس کی یہ سکیم بھی کامیاب نہ ہوئی تو اس نے مایوس اور مشتعل ہوکر شادی کے پنڈال کو آگ لگا دی۔واضح رہے کہ گزشتہ دنوں ایک بھارتی لڑکی نے بے وفائی کرنے پر اپنے عاشق کو شادی کے منڈپ سے گن پوائنٹ پر اغوا کرلیا تھا۔

کمنٹ کریں - Leave Comments

آپ کا ای میل خفیہ رکھا جائے گا۔ تمام فیلڈ فل کرنا ضروری ہیں۔ Your Email will never published. *

*